Advertisements
الرئيسية > لكل مخطوبة > الجزء الثانى من سلسلة العروسة

الجزء الثانى من سلسلة العروسة

19 أكتوبر 2010 أضف تعليق Go to comments

 

مطبخ العروسة وكيفية تجهيزه

اول حاجة طقم الصينى وده كل انواعه موجودة بكل خاماته واسعار بالغالى والرخيص وطالع شكل جديد الطبق بيكون مربع مش مدور
2 ) فيه طقم بقى اسمه طقم الكاكاو وده بيكون عبارة عن 6 فناجيل شاى بأطباقهم وزيهم قهوة وبراد ولبانة وسكرية واطباق جاتوه وطبق للفطير وده اشكاله هايلة جدا وبيزين النيش
3 ) شنطة المعالق ودى كمان ليها اشكال هايلة ومنوعة
4 ) تجيبى طقم او طقمين شربات بس اشكالهم تبقى مخصوصة للنيش بس مش للاستعمال وفيه اشكال هايلة جدا هناك
5 ) نيجى بقى للكاسات الصراحة انا هحط كاسات بس مش كوبيات ولا كده وهى بتكون حلوة جدا وغالية وفيه كريستال اصلى تجيبى منوع بقى كل طقم 6 كاسات بس تجيبى تقريبا 8 اطقم كاسات منوعة والوان مختلفة واشكال مختلفة
6 ) طقم الاكروبال وهو انا عموم اهستخدم جزء منه ف المطبخ والجزء الحلو هحطه فى النيش
7 ) فيه طقم قهوة علبته صغيرة كده ومتزخرف حلو جدا
8 ) مفرش السفرة فيه دلوقتى مفارش النيش يعنى ممكن متشرتريهاش فردانية .
9 ) فيه سنادات بلاستيك للاطباق دى تجيبيها علشان تعرضى علشها طقم الكاكاوى وطقم الصينى وكده
 10) فيه طقم كريستال الشيالة بالبنبونيرة بالفازة وكده ده حلو جدا وبيتحط على بوفيه السفرة او بتوزعيه زى ما انتى عايزة .
11) البوفيه بتاع السفرة الى هو الجز المقفول تحطى فيه بقى باقى طقم الصينى وباقى طقم الاكروبال وباقى طقم البيركس ولحد هنا وخلاص النيش
مفروشات العروسة

نيجى بقى للمفروشات والملايات ودى مكانها قريب من حمام التلات نفس المنطقة يعنى هناك فى الغورية منطقة اسمها الغورية ودى فيها شارع طويل متفرع منه شوارع تانية وفيه كل انواع المفروشات والملايات ندخل بقى ونشوف هنجيب ايه
1 ) نجيبى يجى 3 بطاطين او اربعة منوعين بأحجام واوزان مختلفة
2 ) فيه الدربيات الى هى طلعت دلوقتى بدل الالحافة الفايبر وهى بارده فايبر بس اشكالها روعة تجيبى اتنين منها او واحدة الى انت عايزاه
3 ) مفرش العروسة تجيبى منه اتنين واحد زهبى فى نحاسى واشكاله روعة يا بناات وتجيبى واحد ابيض واشكاله هايلة بجد تحتارى تختارى ايه ولا ايه
4 ) طلع بقى مفرش امريكانى انما ايه هو طالع موضة بس شكله تحفة تجيبى واحد بس منه
5 ) تجيبى كبرتاية بخدديتها او اتنين الى اتحبيه هى بتبقى قيمة جدا وموجودة فى سنتر الاهرام الى فى نفس الشارع الغورية يعنى
6 ) نيجى بقى للهم التقيل الملاياااااااااااات ملايات السرير تجيب تقريبا 15 طقم منوع هتحتارى فى الالوان بس جمعى الوان بقى مختلفة ابيض / بيج / فذدقى / بمبى / لبنى / بصلى / اصفر/ تجيب يجى 8 غالين وحلوين سادة بالستان والدانتيل وتجيبى 3 سادة عمليين وتجيبى يجى 4 او 5 منقوشين خالى بالك لازم يكونو قطن طبيعى مش فيهم فتلة بلايستر هما القطن غالين شوية بس الصراحة احسن الف مرة من النوع بتاع البلايستر ده
 7 ) نيجى بقى للفوط وما ادراكى ما الفوط اشكال وانواع كتييييييير جدا المهم تجيى 24 فوطة منوعة وسط وكبيرة وصغير وتجيبى بشكيرين او تلاتة منوع والفوط الخاصة الصغيرة وفوط للمطبخ وهى بتنفع على فكرة للضيوف للسفرة يعنى
8 ) مفرش السفرة وده نوعه بيكون سورى بس بيكون تحفة وفيه مفارش للنيش ومفارش لانتريه والمفرش الكبير بتاع السفرة
وكده تقريبا المفروشات خلصت.

Advertisements
  1. لا توجد تعليقات حتى الأن.
  1. No trackbacks yet.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: