Advertisements
الرئيسية > لكل مخطوبة > نصائح لايام الخطوبه

نصائح لايام الخطوبه

5 نوفمبر 2010 أضف تعليق Go to comments

 

أجمل ما في الخطوبة العزايم الرومانسية
المخطوبين بيروحوا على أحلى مطاعم في البلد وأخر انسجام

!! وادي دقني لو العروسة حتشوف مطاعم تاني بعد الزواج !!
هههههههههههههه
المهم يا أنستي العزيزة ،، لو ربنا فك عقدتك و اتخطبتي

أول حاجه تعمليها خذي نصايحي التالية لما تطلعي أي عزومة مع خطيبك
علشان مايطفش وما تلاقيش غيره ، العرسان ناقصين في السوق الأيام دي

(1) الشوكة والسكينة
لازم تعرفي ان الشوكة تتمسك من ايدها من الطرف .. مش من الوسط ولا من البوز
وبطلي افلام الرعب الي بتشوفيهم .. مش خنجر وسيف

(2) العيش
متفضحيناش وتقطعيه بسنانك
!! و لا تقطعيه نصين بايديك وكل نص وابلع .. اوعي
العيش بتقطع بالسكينة في الطبق .. وبعدين تاخدها
لقمة لقمة وتاكليها بالعافية
!! قال يعني نفسك مسدودة
واضغطي على اعصابك شوي لحد ما تروحي بيتكم وهناك خدي راحتك زي ما انتي عايزه

(3) الشوربة
البند ده مهم جدا
الشوربة تتشرب من غير صوت خالص .. ومن غير ما تقعدي تنفخي فيها
!! زي القهوجي الي بنفخ الحجر للزبون
اهم حاجه بالملعقة وبدون صوت .. تكون سخنة بقى ، مولعة، برضه بدون صوت
ومتنسيش تسيبي تلت الطبق مليان
ولا تميليه على  طرفه وتشربية لأخر نقطة في الطبق

(4) الرز
الرز طبعا يتاكل بالشوكة
إوعك تمدي ايدك ع المعلقة وتغرفي من الطبق وتعبّي !! إوعي
الرز بالشوكة .. وكأنك بتبوسيه مش بتاكليه

(5) المكرونة الاسباجيتي
برضه بالشوكة .. تتلف على طرف الشوكة
لحد ما تخلص وبعدين في بقك في هدوء ومن سكات
مش تشفطيلنا المكرونة واحده واحده
في عرضك متفضحناش

(6) السمك
هو السمك مشكلة شويه
ركزي معايه علشان تعرفي ازاي تفصلي اللحم عن الشوك
بتقطعي اللحم من النص بالطول
.. وبعدين افردي اللحم ع الناحيتين
وبس تخلصي ناحية تقلبي السمكة .. بلاش فضايح
شيلي السلسلة بالشوكة والسكينة وحطيها في جنب الطبق
وكملي النص التاني
دهولا اقولك .. بلاش الفيلم الهندي هدا كله
بلاش اكلة سمك .. قولي ما بحبش السمك وريحي نفسك

(7) الجمبري
اذا تعرفيه يعني
اول ما يقدمولك طبق الجمبري .. بصّيله كدا من تحت لتحت
قال يعني زهقانة من كتر اكل الجمبري الجامبو في بيت الحج
الله يخليهولك .. واتنهدي بصوت وقولي
هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك
انسي المصمصة في الجمبري خصوصا

(8) البطاطس
سواء مسلوقة ولا محمرة
لا تهرسيها وترميها ع طبق الرز وتلغّي .. لا كدا غلط
بالشوكة وشويه شويه زي ما تكوني هتعيطي من كتر ما
البطاطس صعبانة عليكي يا عيني

(9) الفاكهة
لو الفاكهة فيها بزر .. بتطلعيه من بقك
بشويش
وتحطيه بايديكي وهي مقفولة .. و في طفاية السجاير الي ع الطربيزه
وانسي نظام التفتفة .. مش وقته

(10) النهاية
لما تخلصي أكل
تحطي ايدك ع بطنك -اللي عصافيرها بتصوصو من العينات الي شميتيهم-ـ
وتقولي مش قادرة ، مش ممكن .. اول مرة اكل بفجع كده
قدامي اسبوع مش هبص عالأكل
وبعدين تمسكي الفوطة اللي دايما محطوطة عالطربيزه
بلا اهمية وتبوسيها .. قال يعني بتمسحي بقك
وبعدين استأذني علشان تظبطي الميك أب .. وتروحي التواليت
وطّلعي من شنطة ايديكي ساندويتش فول وطعميه و شوية زتون وطورشي وفحل بصل وقرن فلفل

وبالهنا والشفا

——————————————————————————————-

——————————————————————————————-

Advertisements
  1. لا توجد تعليقات حتى الأن.
  1. No trackbacks yet.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: