Advertisements
الرئيسية > خمسة فرفشة > حوار لطيف بين زوج مع زوجته

حوار لطيف بين زوج مع زوجته

13 نوفمبر 2010 أضف تعليق Go to comments

 

هو : انتي جعانة ؟

هي : يعني

هو : يعني إيه يعني…؟

هي : يعني مش متأكدة اذا كنت جعانة ولا لأ.

هو : الواحد لما بيكون جعان بيعرف

هي : لأ بس يمكن اجوع بعدين

هو : يعني اطلب لك بيتزا؟

هي : طيب واذا ما كنتش جعانة وقتها..؟

هو : ما تاكليش

هي : بس ده كدة يبقى تبذير

هو : خلاص ، تبقي تاكليها بكرة

هي : و اذا ما كانش لي نفس آكل بيتزا بكرة؟

هو : مش محتاجة نفس ، الواحد عادي ممكن ياكل بيتزا كل يوم

هي : انا لا .. أنا مش باكل بيتزا الا لما يكون عندي نفس للبيتزا

هو : طيب بلاش ، أطلب لك حاجة تانية؟

هي : بس أنا مش عايزة حاجة تانية

هو : يعني عايزة بيتزا؟

هي : لا

هو : يعني مش عايزة حاجة؟

هي : لأ برضه

هو : جننتيني ، طب أعمل إيه؟

هي : اطلب انت لنفسك

هو : الحمد لله ، اخيرا .. ماشي ..

هي : بس اطلب بيتزا بالتونة

هو : نعم ؟ انا مش بحب البيتزا التونة

هي : بس انا بحبها

هو : وانتي مالك ؟ هو انا حاطلب ليا ولا ليكي

هي : ليك طبعا

هو : طيب أطلبها لية بأة بالتونة…؟

هي : يمكن اجوع لما يوصل الاكل

هو : وبعدين؟

هي : يا سلام ، يعني تفتكر آكل حاجة مش عاجباني؟

هو : ليه هو انتي – أصلاً – عايزة تاكلي؟

هي : ليه لا ؟

هو : يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانه ؟؟

Advertisements
  1. لا توجد تعليقات حتى الأن.
  1. 30 يناير 2011 عند 8:55 ص

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: